فد يوم واحد عنده سياره قديمه يشتغل بيهه تكسي وكل عيشته عليهه ماعنده كراج بالبيت فـ يخليهه بالباب ويضل الليل كله كاعد يحرسهه من يطلع الصبح للشغل جماعته السواق يشوفوه نعسان واحد منهم نصحه يشتري جلب ( حشاكم ) ويربطه يم السياره حتى يحرسها صاحبنه راح للعرب واخذ جلب من صديقه وجابه وربطه يم السياره مالته نام الليل وكام كل يوم ينام من وكت ويشبع نوم وره اسبوع كعد الصبح لكه السياره مالته ماكو اتخبل راح اشتكه يم الشرطه فـ اجه محقق وياه يعاين مكان الجريمه انتبه المحقق عالجلب سال ابو السياره كاله هذا الجلب مالتك كاله اي مالتي المحقق كاله انته اللي مربيه من هو صغير كاله لا اشتريته من العرب من فلان وره يومين دز عليه المحقق وكاله لكينه سيارتك عند فلان اللي اشتريت منه الجلب لان من اجه يريد يبوك سيارتك الجلب مانبح عليه لان هو اللي مربيه فاخذ سيارتك وروح اخذلك جلب صغير وربيه حتى انتمائه وولائه يصير الك مو تاخذ جلب انتمائه الك وولائه لغيرك.

ربّاط السالفة : العراقيون يريدون ساستهم بعد 2003 يغيرون البلد نحو الأحسن ههههههههههههههههههههههههههه اقبض من دبش